Pasa berri den 2024an 8 pilota saio eskaini genituen Arabako Zaballa espetxean, martxoaren 30eko 2/2023 Legearen Euskadiko jarduera fisikoaren eta kirolaren 2. artikuluan zehaztutako espetxeetako presoentzako jarduera fisiko eta kiroleko programak sustatzeko, haien gizarteratzea lortu asmoz.
Saio horietan, euskal pilotako jokamoldeak ezagutarazi genizkien bertako gure ikasle emakumezko eta gizonezkoei. Paletaz aritu ginen bi egunez, baina batez ere esku pilotan jolastu-jokatu eta ikasi zuten.
Ikasteko grinarekin eta gogo handiz bildu ziren gure teknikariekin. Eguneroko jarduneko fruituak ikusi genituen eta azken jardunaldian pilota jaialdia ospatu genuen bertako pilotariekin eta Behar Zana inguruko pilotari afizionatuekin.
Egunero ikasten dugulako zerbait.
Jarraituko dugu han eta hemen pilotaren bitartez kirola, osasuna eta bestelako baloreak helarazten.