Aiztondo Pilota Topaketako sei finalak, larunbatean

XXI. Aiztondo Pilota Topaketako txapeldunak larunbatean erabakiko dira. Jokatu beharreko sei finalak Asteasuko pilotalekuan jokatuko dira, larunbatean, 16:00etatik aurrera.

Topaketa Aiztondo mankomunitatearen eta Asteasu eta Villabonako udalen babespean gauzatu dute, eta parte hartu duten herrietako pilota taldeetako ordezkariek antolatu dute. Horrela, Alkiza, Aduna, Asteasu, Larraul, Amasa-Villabona eta Zizurkilgo pilotariek jokatu dute, eta guztietatik hauek iritsi dira finaletara:

Aurre benjaminetan, eskuz, Larrarte-Plazak (Amasa-Villabona) Zufiria-Altunaren (Amasa-Villabona) aurka jokatuko dute.

Benjaminetan, eskuz, Otaegi-Lacarra (Amasa-Villabona) eta Zufiria-Galarraga (Amasa-Villabona) izango dira larunbateko finalistak.

Alebinetan, eskuz, Zabala-Aristeta (Aduna) eta Cestau-Iparragirre (Aduna) Txulobiko bikoteak iritsi dira finalera.

Infantiletan, eskuz, Aranburu anaiek (Amasa-Villabona) Lanzeta-Uitziren (Asteasu) aurka jokatuko dute.

Alebinetan, palaz, Garazi Altuna-Naroa Arretxe (Amasa-Villabona) eta Jone Agirre-Irati Tejeria (Aduna) dira finalistak.

Azkenik, infantiletan, palaz, Garazi Maiz-Itziar Sarasola (Asteasu) eta Naroa Izagirre-Jone Arrieta (Asteasu) izango dira lehian.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!