Ikasturte berrirako ikastaroak

2018-2019 ikasturte berrirako berrikuntza gehiagorekin gatoz Asvinenea Arte Eszenikoen Laborategiko kideok. Haur, gazte nahiz helduek, aukera paregabea izango dute zirku diziplina desberdinetan trebatzeko.

Urrian hasi eta maiatzera bitarte luzatuko den ikasturtearen barruan, hiru ikastaro desberdin izango ditugu bertan.

Malgutasun eta bihurtze (kontortsio) kurtsoa: Asteartero, 18:30-20:30.

Haur eta nerabeentzat zirku diziplinetako hastapen kurtsoa: Asteazkenero, 17:30-18:30 eta 18:30-19:30.

16 urtetik gorakoentzat, zirku diziplina desberdinen kurtsoa: Ostegunero, 18:30-20:30.

Ikastaro horietakoren batean izena eman nahi dutenek, 606 226 486 telefonora deitu, asvinenea@gmail.com helbidera mezu bat bidali edota Facebookeko Asvinenea orrialdera idatzi dezakete.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!