«Eguberrien usaina» dariola egun hauei diote elkartetik, «Olentzeroren aroa» iritsi dela eta «garai honekin bat eginez» opari sorta prestatu dute mus, txintxon eta toka jokoan trebetasun gehien erakusten dutenentzat.
Izen-ematearen ondoren mus jokoan nahiz txintxonen lehiatuko dira jokalariak. Hauek amaitzean toka jokoa egingo dute frontoian. Sariak banatu ondoren elkartean bilduko dira mondeju, saiheski eta gaztainak janez.
Bestalde, Artubitik gogora ekarri dute Eguberrietan baserriz baserri ariko direla aurten ere kantuan.