Begiak kliskatu orduko
hezur eta azal suspertu nauzu,
arropa gutxitxo daramadan pentsarazi
eta hala ere, ez zara inoiz aspertuko joan-etorrian ibiltzeaz?
Itxaropena dakar zure itxaronaldiak,
nekeari gailentzen zaio desira
eta hala ere, batzuetan atseginagoa zait zu irudikatzea,
begira egotea baino.
Horrek guztiak sortzen dit euforia,
axolagabekeria kutsuz mozorrotu nahiko nukeen euforia;
baina, berriz ere, zugan pentsatzen ez nuelakoan
lortu duzu espero ez nuen denbora eskaintzea.
Berriz ere, ihes egitera zoaz,
hori baita zure dohainik miresgarriena
berriz ere, oroitu nazazu, behintzat
berriz ere, ikusiko dugu elkar.