Dagoeneko errudunak bezain erantzule garenez,
bizirauteko soilik den lekua
inoiz ez da izango biziraunkor,
biziraunkor denean
bizi ahal izango dira hor.
Atzo esanak
gaur janak direnean,
dena da debalde Mendebaldean?
Nire gordegitik
saiatzen naiz haien mina sentitzen.
Nire gordegitik
sentitzen dut ez naizela behar adina saiatzen.
Ezin dut esan
ez naizenik gerran,
baina aldi berean,
irratiko zazpietako albistegiak iratzartzean
nire gordegitik
ezin dut esan
ez naizenik bakean.