Kaixo, Txistuleitor jauna (III)

Erabiltzailearen aurpegia

Aurten esan digute ez dugula musika-eskolarik edukiko. Iaz, bigarren mailan nengoenean, talde instrumentalera joaten nintzen, Lixue eta Riyadhekin batera. Lixuek biolina jotzen du, eta Riyadhek akordeoia. Baina, esan bezala, aurten ezingo dut haiekin jo; horregatik, zer iruditzen zaizu zuk eta nik elkarrekin talde instrumentala osatzea? Biok txistua jo dezakegu eta kalejirak egin! Dena den, ni ezkertiarra naiz, eta, Eztizenek, musikako irakasleak, esan dit danbolina eskuinarekin jotzen dela. Zu ere ez zara ezkertiarra izango, ezta?

Zuk nirekin jotzen baduzu, pentsatu dut Lixuek Txinako emakumearekin jo dezakeela, zer iruditzen zaizu? Biak txinatarrak izanik, elkar ongi ulertuko dute. Amatxok esan dit txinatar emakumea lehen albistegietako aurkezlea zela. Instrumenturik jotzen ez badu, ziur nago ongi abestuko duela, ahots leuna dauka eta. Bestalde, esan al diozu Txinako emakumeari amatxoren ile-apaindegira joateko? Badakizu ile-apaindegia itxita egon zela, eta orain jende gutxi joaten zaio. Bide batez, Lixuerekin hitz egin dezake, eta Lixue eta biok ilea motz diezaiokegu. Ez dut uste axolako dionik.

Amatxok esan dit txinatar emakumea lehen albistegietako aurkezlea zela. Instrumenturik jotzen ez badu, ziur nago ongi abestuko duela, ahots leuna dauka eta.


Riyadhentzat ere taldea aurkitu nahiko nuke. Riyadh-ek lorategia esan nahi du; eta Lixue-k elurra, esan nizun, ezta? Zure gelan ba al dago akordeoia jotzen duen norbait? Tira, ez du zure gelakoa edo kuadrillakoa izan beharrik.

Aurreko Euskadiko zuzendariak saxofoia jotzen omen zuen. Oraindik zure gelan dago? Edo kanpora joan da? Zoritxarrez, ez dut saxofoia jotzen duen inor ezagutzen. Hala ere, nire anaiari galdetuko diot, agian, DBHko norbaitek berarekin jo nahiko du. Nik DBHkoei galdetuko diet, eta zuk HBkoei, ados? Baten bat ezagutuz gero, idatzi nire eskolara.

Gaur jangelan bazkalduko dut, hemendik aurrera, bazkalondoren, egunero entseatuko dut!

Zuk ere asko entseatu, Txistuleitor jauna.

Agur!

Udane

Erlazionatuak

Kaixo, Robocop jauna (II)

Erabiltzailearen aurpegia Anoeta

Aurreko batean, nire anaia komiki bat irakurtzen ari zen, Robocop vs Terminator, eta zutaz gogoratu nintzen. Orain dela gutxi, andereño Elix...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!