Historiaren lekuko izateak norbere baitan sortzen duen ezinegonarekin batera, jira eta bira egin ondoren, Adolfo Lozano iltzatuta dagoen liburu handi batekin egin dugu topo. Gela ilun bat eta hotza. Milaka izen bertan izkiriatuta, pertsonen memoriaren lekuko. Gas kamara, alboko gelan; han akabatzen zituzten gizakiak ez dela asko. Gizakia gizakia akabatzen, komunistak-errepublikarrak, homosexualak, emakumeak edota beltzak zirelako. Adolfo odolusten utzi zuten berberak.
Adolforen izena bilatu eta irribarre egin, hauxe zen helburua. Hemen gaude. Adolforen bizi historia idazten ari gara. Gu ez akordatzea nahi zuten baina.
Bihar itzuliko gara. Behar den guztietan itzuliko gara. Argiari ateak irekitzea delako gure helburua.