Ondorioz, aukerak bata bestearen atzetik iritsi ziren. Baina tolosarrek barkatu egin zuten, eta atsedenaldiaren aurretik, kanpotarren gola etorri zen. Bigarren zatia eskasa izan zen: Peña Athletic erasoan, eta Tolosa CF defentsan. Partida bukatzeko bost minuturen faltan, penaltia, eta kanpokoen berdinketaren gola etorri ziren. Inoiz galdu behar ez genituen bi puntuak galdu genituen: lastima. Gu baino gutxiago izan ziren.
Euskal Ligako taldearen hurrengo partida Lantaronen etxean izango da, hilaren 25ean, 12:30ean. Sailkapen nagusian azken postuan dago Lantaron, beraz, irabazi beharreko hiru puntu egongo dira jokoan igandean.
Bestalde, jubenilen taldea zoriondu beharra dago. Sailkatze fasean lehen postuan gelditu dira, eta ondorioz, txapeldunen fasea jokatuko dute orain.
Kadeteek etxean partidarik galdu gabe jarraitzen dute, eta hori ere azpimarratzekoa da. Larunbatean Intxaurdiren aurka jokatu zuten etxean, eta hasieratik irten ziren hiru puntuen bila. 25. minutuan aurretik zen Tolosa CF, Zuriñeren gol bati esker. Bigarren zatian donostiarrak irten ziren indartsu, baina urdinek bikain eutsi zieten defentsan. Baloi borrokatu baten ostean, etxekoak izan ziren gola sartu eta aldea handitu zutenak. Partida, 2-0ekoarekin amaitu zen.
Ea bide honetan jarraitzen duten gure neskek!
EUSKAL LIGA
Tolosa CF 2
Peña Athletic 2
Golak: Mar Luzuriaga eta
Alazne Garmendia
Sailkapena
1. Leioako Emakumeak 33p
2. Eibar 31p
3. Gasteizko Neskak 31p
11. Erandioko 14p
12. Tolosa CF 13p
13. Berrio Otxoa 12p
14. Lantaron 3p
Hurrengo partida, hilak 25, 12:30ean:
Lantaron (14)-Tolosa CF (12)
JUBENILAK
Amaikak Bat 0
Tolosa CF 3
KADETEAK
Tolosa CF 2
Intxaurdi 0
Golak: Zuriñe Iglesias eta Ane Alfonso
INFANTILAK
Ordizia 1
Tolosa A 3
Beasain 1
Tolosa B 9