Ezin ditut hitzez azaldu egunak berak sortu zizkidan emozio eta sentipenak. Ostiral galanta izan zen, historikoa. Historia egin genuen. Eta honi jarraipena ematera goaz.
Greba tarteko, partida jokatzea tokatu zitzaigun, ordea. Idiazabalera martxan joanez utzi behar izan nuen arratsaldean Anoetan gauzatu zen manifestazioa. Penaz, baina partiduko urduritasunekin. Hala ere, horrelako egun baten ostean besoko morearekin jokatzea erabaki genuen taldekideok. Eta aurkariek ere halaxe egin zuten.
Tartean txantxarako denbora ere izan genuen, jokatzeko orduaz nahastu nintzela sinestarazi baitzidaten!
![[AULKITIK] Emozioz lehertzen](https://ataria.tok-md.com/argazkiak/GwD/EIDER.JPG)
Martxoaren 8a. A zer nolako eguna bizitu genuen. Kaleak hartu eta oihuez, ahalduntzez eta borrokaz bete genituen. Beldurra bandoz aldatzeko asmoz ekin genion.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!