[Aulkitik] Ezohikoa

Aurretik, ordea, pintxo pote pixka bat egiteko aprobetxatu nahi dut taldekide batzuekin. Eta halaxe egin dugu. Tabernan trago bat hartu eta partidaren nondik norakoez hitz egiten jardun gara. Berriro ere Ordizia aurkari, berriro ere sufritzera.
Partiduaren unea iritsi denean baloiak falta zaizkigula konturatu gara. Nire akatsa izan dela segituan konturatu naiz, nik eraman bainituen azkeneko aldian etxera. Ezin izan ditugunez errekuperatu, aurkarien baloiekin jokatu behar izan dugu. Hori gutxi balitz eta jakinda ezin genuela ezer egin kopako hurrengo fasera pasatzeko, hurrengo igandean egingo dugun ekipoko bazkariaz eta parrandaz hitz egiten egon gara partiduko deskantsuan. Ederra panorama!