Sei bertsolarik hartu dute parte bertan: Eneko Araiztegi Agirre ‘Korta’ (Segura), Agin Laburu Rezola (Astigarraga), Maddi Aiestaran Iparragirre (Beasain), Aroa Arrizubieta Barredo (Gasteiz), Danel Etxeberria Iturbe (Tolosa) eta Maddalen Arzallus Antia (Donibane Lohizune). Gai-jartzaile lanetan, berriz, Amezketako Imanol Artola Arretxe ‘Felix’ aritu da. Lanak: Bakarka lehen puntua emanda, binaka zortziko txikian eta binaka kopletan 4 minutu osatu arte. Azken agurrak. Horiek dira hemen ikusi eta entzungo dituzunak.
“Harituz” (Tolosaldeko Bertsozale Elkargunea) eta Asteasuko Udalak antolatuta, IV. Pello Errota Bertsolarien Sariketaren bigarren kanporaketa burutu da Gazteluko Erroizpe Elkartean. Pello Errotaren heriotzaren 100. urtean (1919) ekin zitzaion txapelketa honi eta bi urtez behin antolatu ohi da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!