Aurreko egunez bildutako belarra ere zabaldu dute belazean, ondo ihartu dadin. Geroago, buelta ere eman behar zaio belarrari. Behin ondo ihartuta, belarra batu edo bildu egiten da gurdian kargatu aurretik. Gurdia sardeka kargatu eta gainaga sartzen da gurdi-belarraren ezpatan estu-estuki. Eta amaitzeko, gurdi-belarra baserriraino eraman ohi zen eta bertako ganbaran pilatu; edo, kasu honetan bezala, zuhatza egin belazean bertan. Lan guztia bukatzeko, lau bat zaku (beren makilekin) ezartzen dira zuhatzaren gainean euri-urak hobeto irrist egin dezan.
Ipeñarrietako idi parea gurdi zorrotzari erantsi eta belar-lanetara abiatu dira Legazpiko Telleriarteko auzokideak. Sega pikatu eta belarra ebakitzeari ekin die. Moztutako belarra zabaltzeari heldu diote esku batean igitaia lagun hartuta.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!