Hasierako agurraren ostean etorri dira gaiak: 1) Bixente eta Maialen amezketarrak dira. Bixentek turismoa bultzatu nahi du; Maialenek, ez. 2) Aitor eta Nerea aita-alabak eta mendizaleak dira. Txindokirako plana egin dute. Lehen aldiz alabak jo du gailurra. 3) Bixente eta Oihana nerabeak, kuadrilla berean ibili ez arren, harreman dexentea dute elkarrekin. Kuadrillatik bota dutela aitortu dio Bixentek Oihanari. 4) Maialen ogi-banatzailea da. Lanbide horren inguruko puntuei erantzungo die. 5) Aitor, Bixente, Maialen eta Nerea familia berekoak dira, tiropitxoneko familiakoak. 6) Oihanarentzako: baserrian izaten al da lasaitasunik? Honeraino lehen bideoak eman duena.
Urtero gisa, bertso jaialdi bikaina antolatu dute Amezketan bertako jaien baitan. Eta jendeak ongi erantzun du Altuna Anaiak frontoia leporaino beteta. Bost bertsolari izan dira bertan Imanol Artola “Felix” gai-jartzailearen gidaritzapean: Oihana Iguaran, Aitor Mendiluze, Bixente Gorostidi, Maialen Lujanbio eta Nerea Ibarzabal.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!