Ez hori bakarrik. Gorostidi Harria deitutako harri-jasotze txapelketa arrakastatsua antolatu zuen herriko Udala, Muskil Elkartea eta beste zenbait eragilerekin batera. Guztira, hamasei. Ondo merezitako omenaldia eskaini zaio bere herrian eta jendetza gerturatu da ekitaldiaz gozatzera. Gorostidik hasitako bideari eutsiz, datozen urteetan Gorostidi Harria txapelketa antolatzeko borondatea erakutsi dute Muskil Elkarteak eta Adunako Udalak.
Iñaki Gorostidi Astigarraga, boxeolari, harri-jasotzaile eta harri-artisaua urte honetako urtarrilaren 21ean zendu zen, 69 urte zituela. Tolosako Beotibar frontoian, bere pisuaren bikoitza eta gehiago zen 185 kiloko zilindroa jaso zuen esku batez 1982. urtean eta oso ezaguna egin zen. Lan istripu larri batek apartatu zuen lanetik eta harrezkero, harri-artisautzan jardun du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!