Tolofolk jaialdi arrakastatsua antolatzen duen ‘Jea-jeaka’ kultur elkarteak batu ditu Kantabrikon bi belaunalditako bi bertsolari bigarren aldiz: alde batetik, buruz buru lau txapel dituen Andoni Egaña (63 urte) eta bestetik, Danel Etxeberria (17 urte) gazte tolosarra. Hasierako bertsotik ekin dio erasoari Danelek, garai bateko gaztea eta etorkizuneko zaharra bertsotan hastera doazela adieraziz. Egañak xaxatu egingo duela erantzun dio eta halaxe gidatu du, maisuki, tolosar gaztea. Gazteak ausarta dela eta bertsotan moldatzen eta heltzen ari dela erakutsi du afal ondorengo ordu eta erdiko saioan. Librean arituko dira zatirik handienean eta, amaieran, bi gairi erantzuten ere ikusiko dituzu.
Iazkoaren zapore onari jarraipena emanez, II. Bertso-desafioa izan da Tolosako Kantabriko tabernan. Etxe hau oso ezaguna da herri-kirol munduan, bertan eztabaidatu eta itxi baitira apustu sonatuak. Oraingoan, ordea, beste kirol batez ari gara: hitzaren kirola edo jolasa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!