Hasierako agurraren segidan, ofiziotako lana eman die Iñigok. 1) Seiak: bina bertso. Lehen bertsoan, zeinek eta zertan hutsegin dieten kantatuko dute. Bigarrenean, berriz, bertsolari bakoitzak nori eta zertan hutsegin dion. 2) Oihana eta Joanes: ama-semeak dira. Telebistako albistegia heltzean, amak itzali egiten du telebista, ez baitu jasaten albisteak emateko modua. Semeak ez itzaltzeko eskatu dio, informatu egin nahi duela eta. 3) Maialen eta Aitor: gazte kirolari baten gurasoak dira. Espainiako selekzioak deitu du. Aita joatearen aldekoa da; ama ez, ordea. Honaino lehen bideoak eman duena.
Bertso saio bikaina antolatu dute Berastegin, “Salontzo” Jaien baitan. Bertan, sei bertsolari aritu dira jardunean Iñigo Gorostarzu “Etxorde”-ren esanetara: Aitor Mendiluze, Maialen Lujanbio, Joanes Illarregi, Iker Zubeldia, Oihana Iguaran eta Nerea Ibarzabal.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!