Berdura Plazako 2. ezkaratzean eman zaio hasiera ekitaldi umoretsuari. Zenbaki horretan zuen Aldasorok bere zapatari postua. Sei bertso abestu dira guztira, bina bertso geldialdi bakoitzean. Ondoren kalejiran abiatu dira Udaletxeko Plaza Zaharrera. Azken geldialdia Arrameleko zubia eta Gorriti plazaren artean izan da. Hilkutxa lau zapatarik eraman dute. Dultzaineroen eta Lasko txarangaren esku egon da musika. Jendeari paperak banatu zaizkio eta indartsu kantatu ditu Galtzaundiren bertsoak, ondo pasatzeaz gain.
Iñauterizale talde batek ‘Galtzaundin entierrua’ egin du bigarrenez. Aurreko urtekoa ondo atera bazen, aurten jendetza bildu da Galtzaundiren entierruan. Ramos Azkarate zapatariak (1847-1904) idatzi zituen Santos Aldasoro Iriarte ‘Galtzaundi’-ri buruzko bertsoak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!