Desafioaren aurretik haurrak ibili dira herri kiroletan. Animaziorik ez da falta izan eta jendeak lepo bete du Urritzondo pilotalekua. Desafioari eman zaio hasiera eta partaideak hasi dira lehian. Bideartek laster ireki du tartea eta bukaera arte eutsi dio, lanak 22 minutu eta 22 segundotan amaituz. Eltxo zahar eta gazteen artean lehia estua izan da, azkenean, Eltxo zaharrak gazteen aurretik jarriz. Ikuskizun ederra eman dute hiru taldeek, kirolezko esku-ematearekin bukatuz.
Herri kirol erronka izan da Orendainen, hiru taldetan banatuta: Bidearte, Eltxo zaharrak eta Eltxo gazteak. Egin beharreko lana honako hau izan da: 50 kiloko harri bola 10 aldiz jaso; trontzan 3 mozketa egin; ingudea 20 aldiz jaso; 40 lokotx bildu-jarri biren artean; 25 kiloko txingekin 4 plaza egin; 40 kiloko zakuarekin 4 plaza egin eta frontoiari 4 itzuli eman. Eta hori guztia 3 aldiz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!