Lehen bideoan, honako hauei buruz hitz egingo digu: hasteko, bere aurkezpena egingo digu eta, Sedrun, bere bigarren abizenaren nondik norakoak azalduko dizkigu; bertso zaletasuna nondik datorkion; Durangoko ikastolako bertso eskolan izena eman zuenekoa; zeintzuk ziren bertsolari erreferenteak; lehen plaza eta 1985eko Txapelketa; emakume bertsolarien oholtza gaineko presentziaz gogoeta eta abar. Goza dezazula, ikusle!
Kristina Mardaras Sedrun, Oromiñoko irribarrea! (1) (Iurreta, 2024-11-21) (42'20'')
Bide urratzailea eta militante nekaezina da Kristina Mardaras Sedrun. Etxanoko Oromiño auzoan jaio zen 1948. urtean. Herrigintzan, euskararen sustapenean ibili da bizitza osoan, talde lanean berak dioen moduan. Bertsolaritzan, lehenengo emakumea izan zen Euskal Herriko Txapelketa Nagusian parte hartzen. Jakitun zen oholtzan bere presentzia hutsak mugatu egiten zuela gizon bertsolarien esateko modua eta handik aurrera, bertsolaritzan emakumeen presentzia bermatzea izan zen bere helburu. Bertsoez gain, Emakumeen Bira antolatzen ibili da 22 urtez, gau eskoletan irakasten, bertso saioak berpiztu eta antolatzen. Euskara zainetan darama eta irribarrea ezpainetan, horixe baita Kristina, Oromiñoko irribarrea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!