1) Irazu Ernest Shackleton exploratzaile irlandarra izango dugu. Bere helburuetako bat Antartika zeharkatzea izan zen eta iragarki bat jarri zuen egunkari batean laguntzaile bila. Beste hirurak aurkeztu zaizkio. 2) Euskararen alde militatu dute Sotok eta Navarrok. Bilera batean daude. Iriartek zera eskatu die: bertsoak kantatzeko baina ileapaindegi eta estetika zentroetako lexikoa erabiliz. 3) Gai librean puntukako saioa. 4) Zapi janztea. 5) Azken agurrak.
Zaldibiako Zapiak Bat elkarteak antolatuta, Udazkeneko VII. Zapi Janztea bertso saioa izan da Zubiburu soziedadean. Bertan Ane Labaka, Julio Soto, Garazi Navarro eta Jexuxmari Irazu –iazko irabazlea- aritu dira. Bertso saio dotore ederra eskaini dute bertsolariek eta asko txalotu dituzte bertara bazkaltzera eta bertsoak entzutera hurbildu diren entzuleek. Saioko onena nor izan den jakiteko orduan –ez da epailerik izaten- entzuleen ardura da boto bidez aukeratzea. Kontaketa egin ostean, Julio Soto izan dela garaile esan du Iker Iriarte gai-jartzaileak. Ohiturari jarraituz, Irazuk lotu dio zapia Sotori.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!