1) Ane Labaka: gai-jartzaileak hiru bertso eskatu dizkio: senideekin hitz egiten ez diren gaien inguruko bertso bat; lagunartean hitz egiten ez direnak; eta bikotearekin hitz egiten ez direnak. 2) Launa puntu Juliori eta Jexuxmariri. 3) Garazi ordenagailuko desegin, iraganera begira dagoen botoia da eta Ane, aldiz, berregin, etorkizunera begira jartzen den botoia. 4) Laurak Zaldibiko koruko kideak dira. Anek oso ondo abesten du; Juliok, desafinatu egiten du; Jexuxmarik letra bat ere ez daki; eta Garazik, denbora gehiago ematen du tabernan kantari baino. 5) Jexuxmari eta Ane bikote dira: Jexuxmariri barrena jaten dio gauza batek, eta zera da, Ane garaieran altuagoa dela. 6) Juliorentzako gaia: Basque Team.
Zaldibiako Zapiak Bat elkarteak antolatuta, Udazkeneko VII. Zapi Janztea bertso saioa izan da Zubiburu soziedadean. Bertan Ane Labaka, Julio Soto, Garazi Navarro eta Jexuxmari Irazu –iazko irabazlea- aritu dira. Bertso saio dotore ederra eskaini dute bertsolariek eta asko txalotu dituzte bertara bazkaltzera eta bertsoak entzutera hurbildu diren entzuleek. Saioko onena nor izan den jakiteko orduan –ez da epailerik izaten- entzuleen ardura da boto bidez aukeratzea. Kontaketa egin ostean, Julio Soto izan dela esan du Iker Iriarte gai-jartzaileak. Ohiturari jarraituz, Irazuk lotu dio zapia Sotori.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!