1) Zeberio, Mateorena, Mendiluze eta Etxeberria: hondartzarako plana egin dute. Etxeberriak uretan egon nahi du une oroz; Mendiluzek eguzkia hartu nahi du; Mateorenak paseoak eman nahi ditu eta umearena egin; Zeberiok, azkenik, eguzkitakoaren azpian egon nahi du garagardo eta guzti. 2) ‘Ez ikusiarena egiteko esan dizu’ lemari, hiru bertso. 3) Mendiluze eta Mateorena aita-semeak dira. Semeari bikotekiderik ba ote duen galdetzen dionean, askotan erantzun zakarra jaso ohi du. 4) Aiestaran eta Etxeberria: etxera sartu orduko, berehala ohartu da June etxean norbait ibili dela. Armairua ireki eta bertan topatu du Danel, lapurtu nahi zituenak eskuetan dituela. Honaino eman du bigarren bideoak.
Harituz, Tolosaldeko Bertsozaleen Elkarguneak eta Amezketako San Martingo etxolako arduradunen artean antolatu dute Harituz-eko bertsolari gazteen saio hau. Bertan, 5 protagonista izan dira Imanol Artola ‘Felix’-en gidaritzapean: Beñat Zeberio (Asteasu), Eki Mateorena (Leitza), June Aiestaran (Beasain), Jon Mendiluze (Irura) eta Danel Etxeberria (Tolosa).
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!