Harrietan (100 kiloko zilindroa eta kubikoa), Imanol Royo ‘Lartain’, Jon Agirre eta Aratz Zubeldia izan dira protagonistak eta hiru minutuko saioa egin dute harri bakoitzarekin. Imanol Royo, gaztea izanik ere, eskarmentu handiko harri-jasotzailea da eta berak eraman du txapela 5500 kilo jasota. Beste biak, hasi berriak, atzerago geratu dira. Orga jokorako Jokin Eizmendik, Aimar Galarragak eta Unai Goitiak eman dute izena. 175 kiloko zama airean hartu eta itzuliak eman dizkiote gurdiari. Unai Goitiak lortu du lehen postua.
Herri kiroletan, Gipuzkoako bi txapelketa jokatu dira Aiako Elkano auzoan, bertako jaiak direla medio. Lehena, kintopekoen (19 urte) harri-jasotzea izan da; bigarrena, berriz, orga jokoa. Hiru kirolarik hartu dute parte modalitate bakoitzean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!