Faringearen eta ahoaren artean sortzen den ahots-teknika honek bi soinu edo gehiago sortzen ditu aldi berean. Teknika hori batez ere Mongolian eta Erdialdeko Asian erabiltzen da eta txikitatik transmititzen da belaunaldiz belaunaldi. Yesun Erdenek morin juur delako zurezko erresonantzia-kaxa bat erabili du emanaldian. Morin juurra Mongoliako harizko musika-tresna zaharrenetako bat da, eta Mongoliaren sinbolotzat hartzen da. Bi hari ditu eta zaldi buztanaz eginak daude. Goialdean, zaldi baten buru grabatu bat dauka. Musika-tresna hau jotzeko arku bat erabiltzen da, biolinetan erabiltzen den bera. Musikariak zaldiaren soinuak imitatzen ditu morin juurra jotzen duen bitartean.
TOLOFOLK jaialdiaren baitan, Yesun Erdene mongoliar musikari, kantu-irakasle eta bakarlariaren emanaldia izan da Tolosako Berdura plazan. Kantu difonikoaren emanaldi harrigarria egin du Yesun Erdenek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!