Lau arroak esan nahi duen bezala, 50 kg-ko hiru harri erabili dituzte jasoaldietarako: zilindroa, kubikoa eta bola, 2 minutuko saioan. Lur Errekondo usurbildarra izan da onena harri guztiekin. Guztira 64 jasoaldi egin ditu, 3.200 kg altxatuz. Lierni Osak 59 jasoaldi egin ditu. Hirugarren geratu da Udane Ostolaza 56 jasoaldirekin, eta Aroa Sanchez laugarren, bat gutxiagorekin. Lau hauek jokatuko dute finala. Beste hirurak ere bikain aritu dira. Aipatzekoa, Olaia Esnaola hasiberria, 14 urte dituen azpeitiarra.
II. 4 arroa torneoa burutu da Aia herrian. Zazpi kirolari izan dira partaide: Lierni Osa (Zarautz), Udane Ostolaza (Orio), Naiara Zumeta (Errenteria), Ane Zinkunegi (Usurbil), Lur Errekondo (Usurbil), Aroa Sanchez (Orio) eta Olaia Esnaola (Azpeitia).
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!