Behereko plazatik abiatu da desfilea gaineko plazarantz. Hemen, talde bakoitzak bere erakustaldi laburra egin du, bideo honetan ikusgai dituzunak hain zuzen. 10 erraldoiek txundituta utzi dute bertaratu den jendea: Baigorriko lau, Mattin eta Xalbador, eta Lekunberritik etorritako beste lau. Txalo zaparrada eder askoak jaso dituzte dantza taldeek, Iruñea, Tafalla, Arboti eta Anhauzekoek.
Milaka herritar bildu dira Baigorrin Nafarroaren Eguna ospatzeko, “Zuti gitezen Berriz!” lelopean. Giro ederra sumatu da Baigorriko karrika eta plazetan. 43. edizioa izan da aurtengoa baina bi urtez ezin izan da ospatu pandemiaren ondorioz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!