Arozena abizenaren musika tradizioarekin jarraitzen dute. Beren aitaren eskutik hasi zuten txistuaren ibilbidea. Aitor, Euskadiko txistulari txapelketan irabazle izan da eta Donostiako Udal Txistularien Bandako kidea da; Urko (perkusioa), Musikeneko irakaslea; eta Xanet (gitarra), Akelarre taldeko kide izana. Dantzarako jotak eta polkak nahiz fandango eta arin-arinak interpretatzen dituzte eta beste estilo askotako doinuak ere sor daitezkeela erakusten dute. Musika eta umorea zainetan daramatela agertu diete bertaratutakoei. Trebezia osoz erakutsi dute musikari handiak direla. Doinu herrikoi ugari eskaini dituzte ordu eta erdiko emanaldi goxoan. Goza ezazu hori guztia bigarren bideo honetan.
Tolosako Fronton Jatetxeak antolatuta, Oiartzungo Arozena anaien kontzertua izan da jatetxean bertan. Aitor, Urko eta Xanet Arozena tradizio eta musika zaletasun handia duen familia bateko laugarren belaunaldikoak dira, bereziki txistuaren munduan. Gainera, gitarra klasikoa eta perkusioa uztartu dituzte txistuarekin.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!