Arria V.ak egur denak berak plazaratzea proposatu dio Otañori, eta honek, horretarako motiborik ez dagoela erantzun dio. Bilera lagun arteko giroan joan da eta xehetasun guztiak lotzen jardun dute. Egurrak erdibana plazaratuko dituzte joko-egunaren bezperan. 5.000 euro jokatzea onartu dute biek. Proba apirilaren 24an jokatuko da Azpeitiko zezen plazan, eguerdiko 12etan. Andres Osa ‘Sakona’-k egin du hitzarmenaren irakurketa. Diru seinaleak jarri, diruzainari eman, hitzarmena sinatu eta esku eman diote elkarri.
Aizkol apustua hitzartu dute (Otaño-Arria V.a) (Azpeitia, 2022-01-13) (13'47'')
Aizkol apustua hitzartu dute Beizamako Eneko Otañok eta Xabier Orbegozo “Arria V.a” Ibarran bizi den errezildarrak. Hogeina kanaerdiko nork lehenago moztu da desafioa. Urtarrilaren 13an elkartu dira biak Azpeitiko Mendizabal jatetxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!