Giza proba erronka aparta jokatu da Usurbilgo plazan. Alde batetik, bertako herritarrez osatutako taldea aritu da ahalegin betean: Gabi Sarasola, Iurgi Mendiluze eta Aimar Zuloaga hirukoteak jardun du Iñaki Portularrume erakuslearen esanetara, 1.800 kiloko ‘Urepel’ harritzarra astinduz. Bestaldetik, Joseba Santxez leitzarra bakarlari gisa aritu da 750 kiloko ‘Txefarri’ harriari tiraka, Fernando Intxaurbe (Areatza) erakusle duela.
30 minutuko tiraldia eduki du alde bakoitzak. Herritar taldeak eman dio hasiera eta 2 plaza egiteko ez zaie askorik falta izan baina ez da posible izan. Azkenean, plaza 1, 10 zinta eta 30 zentimetro burutu dituzte heuren harriarekin. Joseba Santxezen txanda heldu da, eta honek bai, 2 plaza egitea lortu du, beste metro bat eta 80 zentimetro.
Jende dexente hurbildu da proba ikustera eta txaloak eta animoak ez dira faltan izan. Amaieran, omenaldi xumea jaso du bertako seme den Txomin Alkorta herri kirolari handiak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
