Ingudea altxatzen, berriz, lau partaide izan dira: Gorka Emazabel hondarribiarra, Unai Goitia aulestiarra, eta Aiako Josu Urbieta eta Joseba Pagadizabal. Minutu eta erdiko denboran 18 kiloko ingudea altxatu behar da. Josu Urbietak hartu die aurrea gainerantzekoei. Bi diziplina horiez gain, Emakumezkoen I. 4 Arroa Harri-Jasotze Torneoa jokatu da. Lau emakumek hartu dute parte: Naiara Zumeta errenteriarra, Ane Zinkunegi usurbildarra, eta Aroa Sanchez eta Udane Ostolaza oriotarrak. 50 kiloko 3 harri ezberdin erabili dituzte 2 minutuko txandatan: zilindroa, kubikoa eta bola. Udane Ostolazak eraman du I. Torneoko garaikurra.
Lokotx Biltze Txapelketa eta Ingude Jasotze Txapelketa jokatu dira Aian, Gipuzkoa mailan. Bost parte hartzaile izan dira lokotx bilketan: Mendaroko Jon Larrañaga, Aiako Gotzon Iruretagoiena, Mikel Osoro donostiarra, eta Oiartzungo Xabier Melendo eta Iñaki Alzaga. Dakizuen moduan, 50 lokotx bildu eta saskiratu behar dira ahal den azkarren. Eta horretan, berriro ere, Jon Larrañaga mendaroarra gertatu da garaile.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!