Lau partaide izan dira lokotxekin borrokatu direnak. 50 lokotx aurrena bildu dituena Mendaroko Jon Larrañaga izan da (6 min 30 s). Bigarren, Ikaztegietako Mattin Jauregi gertatu da (6 min 58 s). Beste ikaztegietar bat, Uxer Mozo, hirugarren izan da (7 min 20 s). Xabier Melendo oiartzuarra geratu da laugarren (7 min 47 s). Segidan ingude altxatze erakustaldia eman du Unai Goitia aulestiarrak. Harri-jasotzaileen txanda heldu da. Hiru partaide eta lau harri ezberdin: 200 kiloko errektangularra, 175eko errektangularra edo zilindro kopa, 150eko kubikoa eta 125eko bola, 2 minutuko txandetan. Aimar Irigoienek eraman du txapela. Jokin Eizmendi eta Jon Unanue Goenatxo III.a bi eta hirugarren sailkatu dira hurrenez hurren.
2020ko Gipuzkoako txapelketak (Asteasu, 2021-02-06) (25'09'')
2021ko ots. 11a, 21:54
Herri kirol modalitate ezberdinetako txapelketak jokatu dira Asteasun. Ingude altxatze txapelketa ez da jokatu kirolari kopurua nahikoa izan ez delako. Lokotx biltze eta harri handien txapelketak bai, hauek burutu dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!