Txikitatik entzun izan dituzte Mixel Labegerie, Eñaut Etxamendi, Lurdes Iriondo, Xabier Lete eta beste hainbaten kantak, eta nola ez, Xalbadorren bertsoak. ‘Bidexka’ izeneko diskoa grabatu zuten 2014an, Erroa argitaletxearen eskutik. 1992an sortu zen hiru ahizpen taldea. Geroztik hona emanaldi ugari egin dituzte Ipar nahiz Hegoaldean. Altzon ere euren ahots gozoak entzuteko parada izan da. Xalbadorren bertsoekin eta Iriondo eta Leteren kantekin osatu dute emanaldia. Bi kanta entzuteko aukera duzu bideo honetan. Gozatu!
Aire Ahizpek etxetik jaso dute musikaganako eta kanturako zaletasuna. Amak etxeko pianoan jotzen zituen kantuak. Aita, Mixel Aire, bertsolaria da eta aitatxi, Fernando Aire ‘Xalbador’ bertsolari entzutetsu bikaina.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!