Ezustekoa eman du Txikia IV.ak, izan ere, Vicente zen faborito nagusia. Txikia IV.a, ordea, oso ongi aritu da proba denetan eta berarentzat izan da garaipena, 21 minutu eta 46 segundoko denbora eginda. Larrañagak 22 minutu eta 58 segundo behar izan ditu eta Vicentek, 23 minutu eta 40 segundo. Zazpi enbor ebaki dituzte aizkolariek hiru modalitateetan: erlojuaren aurka, abiadura eta azken proba. Jendeak oso ondo erantzun du. Probalekua bete egin da eta jende ugari gelditu da kanpoan sartu ezinik.
Egur Sportek antolatutako Urrezko Aizkolari Txapelketa iritsi da Finalera. Honako hauek heldu ziren finalera: Mikel Larrañaga (Azpeitia), Julen Alberdi 'Txikia IV.a' (Azkoitia) eta Iker Vicente (Otsagabia).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!