Magunazelaiak 17 jasoaldi eman dizkio zilindro zaharrari; 13, kubikoari eta 14, bolari. ‘Urra’-ren jasoaldiak, berriz, honakoak izan dira: 19, zilindro zaharrari; 14, kubikoari eta 11, bolari. Beraz, berdinketa egon da bi harri-jasotzaileen artean. Udane Ostolaza ere, Emakumezkoen Harri-jasotze Txapelketan izan da. 50 kilotako zilindroari 15 jasoaldi eman dizkio; 9, kubikoari eta 12, bolari.
Urrezko aizkolari eta harri-jasotzaileak (Leaburu-Txarama, 2020-06-27) (40'56'')
Urrezko Aizkolarien Banakako Txapelketaren lehen saioa egin da Leaburu-Txaramako industrialdean. Aurrez aurre, Iñaki Azurmendi beasaindarra eta Jon Rekondo leitzarra izan dira. Azken honek egin du aurrera. Honekin batera, Hiru Hamarreko harri-jasotze txapelketan Urdax Magunazelaia abadiñoarrak eta Mikel Lopetegi ‘Urra’ zarauztarrak hartu dute parte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!