Faboritoa Larrañaga zen eta hasieratik hartu die aurrea aurkariei. 34 minutu eta 30 segundotan amaitu ditu lanak. Txikia eta Otaño, berriz, pare-parean joan dira saio osoan. Dema oso estua izan da bigarren posturako. Otaño aurretik sartu da azken enborrean. Txikia azkoitiarrak, ordea, indarrak atera eta bigarren postua lortu du, Otañori 8 segundotako aldea ateraz. Geuresportek antolatutako hiru final jokatu dira. Aizkoraz gain, harri-jasotzeak eta ingude-altxatzeak ikusleen arreta erakarri dute. Betekada ederra hartu du frontoiak beste behin.
Urrezko aizkolarien kopa (Asteasu, 2019-12-31) (17'53)
2020ko urt. 8a, 16:24
Mikel Larrañaga azpeitiarrak, elkarren segidako 3. garaipena lortu du Gabonetako Urrezko Aizkolarien Kopan. Aurkariak, Julen Alberdi 'Txikia IV' azkoitiarra eta Eneko Otaño beizamarra izan ditu, hirurak ere inguruko herrietakoak. 16 kanaerdiko enborrak moztu behar izan dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!