'Urra' zarauztarra gertatu da garaile 93 jasoaldirekin. Telleria lasartearrak lan bikaina osatu du. Bolarekin 28 jasoaldi egin ditu, 'Urra'-k baino bat gehiago. Hala ere 6 jasoaldiko diferentzia atera dio 'Urra'-k. 'Goikoetxe'-k 75 jasoaldirekin bukatu ditu bere lanak. Bideoa 'Urra'-ri egindako elkarrizketarekin amaitzen da, Ortuellako Unai Algarabel gaztearen eskutik. Oraingoan ere leporaino bete da frontoia, duela 9 egun bezalaxe. Giro ederra sortu da eta txalo zaparradak eta animo-oihuak ez dira falta izan.
Mikel Lopetegi 'Urra', Beñat Telleria 'Telleria IV' eta Imanol Albizu 'Goikoetxe' izan dira 2019ko Gabonetako harri-jasotze txapelketako finalean jardun dutenak. Hiru harri mota erabili dituzte, denak 100 kilokoak: zilindro zaharra, kubikoa eta bola. Hiru minutuko saioa izan dute harri-jasotzaileek harri bakoitzarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!