Arau berdinak izan dituzte oraingo 12 harri jasotzaileek: 200 kiloko harria 3 minutuko bi txandatan jasotzea. Amaieran, Aimar irigoien gertatu da irabazle 17 jasoaldirekin; Jokin Eizmendik 16 jasoaldi eman dizkio harriari eta Inaxio Perurenak, 15. Saiatu arren, Martin Mendizabal azpeitiarrak ezin izan du jaso harria bi txandatan. Baliogabeko jasoaldi dexente ere izan dira. Batzuek lehen aldia izan dute 200ekoarekin baina orohar jaialdi bikaina izan da, giro ederra frontoian eta jendeak asko disfrutatu du.
Txapelketa berezia jokatu da Asteasuko frontoian, 200 kiloko harri errektangularrarekin. Azken urteetan, Asteasun bertan jokatu ohi zen Harri Handien Euskal Herriko Txapelketa. Aurten, ordea, Azpeitin egin zen. Orduan, duela 29 urte izandako txapelketa bat berreskuratzea pentsatu zuten antolatzaileek. Ikusmin handia sortu zuen aurkezpean, eta horrela, jendez gainezka egon da frontoia.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!