Xabier Zalduak 90 minutu eta 24 segundotan amaitu ditu lanak. Harriareki ongi jardun du baina neke izugarria ekarri dio aizkorarako. Ahalegina hor geratzen da. Eguraldi beroak ere eragingo zion beharbada, baina animorik ez da falta izan. 250 bat ikusle hurbildu dira bertara eta txaloak eta animoak etengabeak izan dira bi kirolarientzat. Estibaliz Urrutia lasterkariak bost kilometro egin ditu biraka-biraka eta erlojua 22 minutu eta 46 segundotan geratu da. Urrutia berak zuen Euskadiko marka 1998an egina, 15 minutu eta 17 segundotan.
'Bi erronka-Estibaliz Urrutia eta Xabier Zaldua (Azpeitia, 2019-06-22) (20'30'')
Hiru modalitateko erronka jarri zion Xabier Zalduak bere buruari. Prestakuntza ona izan duela adierazi du, baina ez da nahikoa izan eta urruti xamar gelditu da aurreko markatik. Tomas Astigarraga ‘Kataolatzak’ egin zuen lehen aldiz harri-jasotzea, aizkora eta korrika uztartzen dituen proba. Beste zazpi kirolarik heldu diote erronkari baina horietako bik ez zuten lana amaitu. Jose Inazio Orbegozo ‘Arria II.a’-k dauka errekorra, 75 minutu eta 14 segundotan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!