Hasieran, Udane Ostolaza eta Jakes Iruretagoiena ‘Izeta V.a’ aritu dira erakustaldia ematen. Izeta V.ak 42 kiloko zilindroa, 26ko kopa eta 20ko kuboa erabili ditu. Gainera, esku bakarrez altxatu ditu azken biak. Udane Ostolazak 10 jasoaldi eman dizkio 40 kiloko kubikoari 2 minutuan. Amaiera ere bi gazte hauek eman diote jaialdiari. Txapelketan, berriz, Jokin Eizmendi eta Izeta III.a bikotea nagusitu dira, 10 eta 20 jasoaldi eginez. Bigarren geratu direnak, Kortaberri eta Izeta IV.ak osatutako bikotea izan da, 8 eta 21 jasoaldi eginez. Aimar Galarraga eta Eizak 7 eta 22 jasoaldi eman dizkiete harriei.
Bi erreka harri baldar jaso dituzte binaka sei harri-jasotzaileren artean. Pisutsuenak 154 kilo ditu eta 113 kilo, besteak. Biak ala biak Aiako erreketan urak eratutakoak dira. Zazpi minutuko saioa izan dute lanerako, bi minutuko tartea hartuta saio batetik bestera. Pisu gehien duena Jokin Eizmendi, Imanol Illarramendi ‘Kortaberri’ eta Aimar Galarragaren esku egon da. 113koa, berriz, Izeta III.a, Izeta IV.a eta Iñigo Eizagirre ‘Eizak’ jaso dute. Eguraldia ez da lagun izan egun osoan, eta arratsaldean ere ez. Zaleek erantzun dute baina akaso…
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!