Kattagorria zuhaitzetan bizitzeko moldaturik dago eta oso erraz ibili ohi da zuhaitz-adarretan gora eta behera oreka galdu gabe. Lepahoria ere oso erraz moldatzen da zuhaitzetako enbor eta adarretan. Gaueko ibiltaria da, batez ere. Eta ziur aski, kume txikiak edukiko ditu zuhaitz bateko zuloren batean gordeta. Bere betebehar energetikoak asetu nahian irten da gordelekutik. Entzumen eta ikusmen paregabeak ditu. Kattagorri bat begiztatu du pinu handi baten adarrean. Eta ekin dio.
Harraparia eta harrapakina. Naturaren legea, handiak txikia jaten du. Erasotzailea hurbiltzen denean, animalia batzuek defendatu egiten dute beren burua. Beste batzuek kamuflajea erabiltzen dute defentsarako eta beste askok, berriz, ihesari ematen diote.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!