Telebista, mugikorra eta ordenagailua dira gehien kontsumitzen diren aparatu teknologikoak, eta beraienganako izugarrizko dependentzia sortu da. Gizakiak aurrerapen ikusgarriak egin ditu gurpilaren asmakuntzatik hona. Oihanak, naturarako erabiltzen ditugun hitz, esamolde eta konparazio mordoarekin egiten du jolas bertso-sorta honetan, izenburutik hasita: egosistema, grabitatea… lurra borobil, gure zilborrei bueltaka dabil… fauna, satelitea, kraterra, flora, fokosintesia… Narciso, putzuari so… erotegi efektua… Bete-beteak ote gara?
'Bertso berriyak egosistemari jarriyak' (Oihana Iguaran) (Amezketa, 2019-02-08) (5'46'')
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!