Bertso-eskolak gauza ugari eman ohi dizkio bertan dabilenari: hasteko, lagunartea eta ondo pasatzeko aukera, hitzarekin jolas egitea, bertsolaritzara hurbiltzea (bertsolari izateraino, ahal bada)… Baina bertso-eskolak baditu bestelakoak ere… Eli eta Oierrek horietaz jarri dute bertso-sorta, 12 bertso guztira. Herrietan ekimen ugari egiten dira: bertsolari bat ekarriko dugu eta hobeto, doan baldin bada. Askotan txapeldunak nahi izaten dira baina sarritan, ordea, ezin dira etorri, beste toki batetik deitu dituztelako. Edozein aitzaki ona da bertsolari bat bertaratu ahal izateko: herri-jaiak, triki eta bertso-poteoa, familia-bazkariak, ezkontzak…
'Mila esker, bertso eskola' (Eli Pagola & Oier Iurramendi) (Amezketa, 2019-02-08) (8'31'')
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!