Bertsozale orok dakien moduan, Egaña tabako erretzaile sutsua izan da eta da. Gai hori hartuta, hamar alez osatutako bertso-sorta dakargu bideo honetan. Hizkera aldetik, Txirrita bertsolariarengana hurbiltzen saiatu dela aitortu du Egañak, sintaktikoki batez ere. Eta horrela, bertsoz-bertso, tabakismoaren inguruan dabiltzan esames eta iritziak ironikoki jorratzen ditu dotorezia apartaz: gizon zozoa omen zen erretzen hasi artean, konzentrazioari eusten laguntzen dio; tabakoak biziraupena murrizten duela-ta, azken pusketa kentzen omen du baina okerragoa litzateke tarteko puska kentzea. Jende askok neurria hartzeko esaten dio. Neurri-hartze hori Bob Marley eta Lionel Messirekin konparatzen du. Lauaxetaz dugun irudia zein da? Antiajuak! Marilynena, ezpain gorrien arrasto soila. Egaña beldur da bere tokia tabakoak ez ote duen hartuko. Bera hildakoan, zigarro-pakete bat bere hilobira eramateko gomitaz agurtzen gaitu Egañak. Bertsozale, disfrutatu!
'Bertso berriyak, nere erretzailetasunari jarriyak' (Egaña-Ostolaza) (Altzo, 2018-12-21) (9'29'')
Andoni Egañak Jon ostolaza lagun hartuta, Neretik emanaldia prestatu du. Bere bizitzari estuki lotutako gaiak jorratu eta kantatu ditu jendaurrean. Bere hitzetan, aspalditik zuen gogoa hori egiteko. Sorta bikainak egiten omen dira baina nekez zabaldu edo solializatzen dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!