Adur Gorostidi abaltzisketarrak bikote-harreman frustratu baten inguruan ondu ditu bertsoak, sei guztira. Harreman-hauste horri buruz kantatzen digu Adurrek: gogortasuna, despedida tristea, hutsunea, alkohola, begiak mela-mela. Baina gainditu beharra dago: psikologoa eta dolua, lagunen animoak… Maitasunak hor dirau eta oroitzapenak datoz burura borborka. Izango ote da aukeraren bat?
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!