Oraingoan, Imanol Artola ‘Felix’ datorkigu 14 bertsoz osatutako sortarekin, baina bere amak berari buruz jarritakoak omen dira, hori dio, behintzat, izenburuak. ‘Aita Jainkoak egin banindu’ doinuan kantatu ditu ‘Felix’-ek bertsoak, pare bat alditan-edo keinu eginez bertso herrikoiei. Imanol honek aitaren izen berdina hartu zuen izengoititzat. Txikia zela oso negartia omen zen; pilota eta sokasaltoa zituen gustuko. Gerora filosofia ikasi zuen. Kant, Hegel, Platon eta abarren esanak ondo ikasiak ditu baina amari ez dio kasu handirik egiten. Galtza zabalak, zapatila zulatuak eta jertse zaharrak jantzita ibiltzen da. Bera bizi den etxe barneko kuxidadea ere ez da nolanahikoa. Hori guztia eta gehiago hamalau bertsotan.
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!