Haritz Mujika, asteasuar bertsolari gaztearen txanda da. Hamasei alez osatutako bertso-sorta moldatu zuen sariketa baterako, eta horiexek kantatu ditu bertso jarrien afarian. Gaia, berriz, adineko emakume alargundu batek bere sexualitatea nola bizi duen kontatzen digu lehen pertsonan, bere bikotearekin izandako bizipenak eta egungoak. Adinekoek sexu harremanak izateko gogoa galtzen dutenaren ustea oso zabaldua dago gizartean baina errealitatea bestelakoa da eta horixe bera islatzen dute Haritz Mujikaren bertsoek modu deskribatzaile eta umoretsuan.
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!