Lujanbio eta Karrikaren saioarekin hasiko da bigarren bideo hau. Lujanbio bertso-saioa ikusi eta entzutera etorri da. Karrikak halako arreta sortu du berarengan. Saioaren ondoren, plazako txosnaren ertz batean topatu du Karrika. Bertso bana eskatu die Felixek seiei, eta honakoa gaia: ‘80ko hamarkada aipatutakoan, zer datorkizue burura?’ Gorostidi eta Agirre bizilagunak dira. Gorostidik txakur bat dauka, eta oporretara joan nahi du. Agirreri eskatu dio ea zainduko ote duen bi astez. Puntutan egin dute Mendizabal eta Karrikak. Karrika supermerkatura joan da erosketak egitera. Sarreran ‘Mendi’ semea topatu du beste hiru lagunekin. Hauek ere erosketak egin dituzte… botiloia egiteko. Peñak tatuaje bat egin nahi du, eta horretarako, Lujanbiorengana joan da.
Bertso-jaialdi bikaina antolatu dute Amezketako Jaien baitan, Altuna anaiak frontoian. Sei bertsolari bertaratu dira: Unai Mendizabal, Maialen Lujanbio, Anjel Mari Peñagarikano, Bixente Gorostidi, Unai Agirre eta Aimar Karrika. Gida-lanetan Imanol Artola ‘Felix’ aritu da. Frontoiak betekada ederra izan du eta txaloekin erantzun dio jendeak bertsolarien jardunari.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!