Sei puntuko zazpi bertso atondu ditu Unai Mendizabal bertsolari zizurkildarrak, galera bati jarriak. Mota askotako harremanak harildu ditugu gizakiok: bikote gisa, seme-alabekin... animaliekin, gauzekin, eta abar. 'Mendi'-ren bertso hauetan bikotearekiko harremanei buruzko erreferentzia eta konparazio ugari topatuko dituzu. Baina, dirudienez, kontua ez doa hortik. Beraz, zeri buruz ari ote da? Ikusi eta entzun. Berandu baino lehen antzemango diozu.
Tolosaldeko Bertsozale Elkargune den Harituz taldeak, bertso jarrien afaria antolatu du Amezketako jatetxe batean, seigarren aldiz. Berrogeiren bat lagun bildu dira mokadu gozoa dastatu eta bertsoak entzun eta kantatzera. Aurtengoa 10 bertso-sortaz osatu da, alegia, 10 bertsolari eta bertso-jartzaileren bertsoak kantatuko dira paperetik, Tomax Lizardi gitarjolearen laguntzaz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!