Aurkezpen eta agurren segidan, ofiziotan jarri ditu ‘Felix’-ek bertsolariak. Agirre Aralar mendira joan da... behi talde bat topatu du bidean. Beldurtu egin da eta hauek ekiditearren pendizean gora igo eta... hor topatu du Karrika ganaduzalea barrezka. Jokin Altuna pilotariak bi txapel ekarri ditu herrira. Omenaldia egin zitzaion duela hilabete eta bertsoak kantatu zizkion Peñak. Hurrengo egunean, ordea, Gorostidik esan zion Peñari, bere herrian berak kantatu behar zizkiola bertsoak, eta ez Peñak. Bertsolariak bertsoa ofizioa du baina badu afizioa ere. Izango dituzte gogo handirik gabeko egunak ere. Gai hori izan dute Lujanbio eta Mendizabalek. Amezketa eta bere inguruan erabiltzen diren hainbat hitzen esanahia galdetu zaie Agirre, Lujanbio, Peña, Mendizabal eta Karrikari. Ondoren puntu batzuk jarri dizkio Felixek Gorostidiri. Lagun arteko tertuliatik hartutako esaldi bat egokitu zaio Mendizabali: 'Mundue ondo ziak... mundukok failatzen die'. Peña eta Agirrek 'Euskaraldia'-n izango duten rol-ari buruz jardun dute.
Bertso-jaialdi bikaina antolatu dute Amezketako Jaien baitan, Altuna anaiak frontoian. Sei bertsolari bertaratu dira: Unai Mendizabal, Maialen Lujanbio, Anjel Mari Peñagarikano, Bixente Gorostidi, Unai Agirre eta Aimar Karrika. Gida-lanetan Imanol Artola ‘Felix’ aritu da. Frontoiak betekada ederra izan du eta txaloekin erantzun dio jendeak bertsolarien jardunari.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!